Avviżi 26 – 27 ta’ Marzu 2022

Il-Ħamis 31 ta’ Marzu – Irtir tar-Randan Fid-9a.m. irtir tar-Randan organizzat mil-Lajċi Dumnikani fis-Sala Dumnikana. Imexxu l-irtir P. Aaron Zahra OP u Br. Ian Zammit OP. Wara jkollna ikla bejnietna. Importanti li tibbukjaw għall-ikel.

Il-Ġimgħa 1 t’April – Via Sagra u laqgħa tal-Katekiżmu għall-Adulti Wara l-quddiesa tal-10a.m. ssir l-adorazzjoni tal-ewwel ġimgħa tax-xahar. Fis-5:45p.m. Via Sagra animata fil-knisja.

Wara l-quddiesa tas-6:15p.m. ikollna l-laqgħa tal-katekiżmu għall-adulti.

Nhar il-Ħadd 3 t’April – Żjara tal-Papa Navżawkom li minħabba ż-żjara tal-Papa Franġisku mhux ser isir il-quddies tal-10a.m. u ta’ 12p.m. imma ser ikollna quddies fit-8a.m. u fis-6:15p.m.

Inħeġġukom titolbu biex iż-żjara tal-Papa Franġisku f’pajjiżna tħalli l-frott fil-ħajja nisranija tagħna.